الوداع ياكل احلامى

الوداع يا كل احلامي

من دقيقة او ثواني جيت بتبكي في احضاني

من دموعها مش شيفاني جوه حضني وضماني

وقالتلي اوعدني وعد حتي لو محناش لبعض

كلمه بينا هتبقي عهد خليك فاكرني ما تنساني

في كلامك دايما اذكرني وبالخير خليك فاكرني

لو يوم وحشتك ابقي زورني هيقولولك علي مكاني

بس وحياة حبي ليك اوعه لحظة تبكي عنيك

كنت بتمنا اكون جنبيك غصب عني دي اخر ايامي

وفي لحظه لاقيت دموعي سالت وراسها علي صدري مالت

بنادي عليها لاقيتها ماتت وهيا بين احضاني

لاقتني بصرخ وبنادي عليها وغصب عني بمسك اديها

بفتحها لاقيتها كاتبة فيها الوداع يا كل احلامي

بعدك عني مش بأيدي هو ده قدري ونصيبي

خليك فاكرني يا حبيبي وابقي زورني ما تنساني

و في ثانية لاقتني بنهار والدنيا في عنيا مرار

ازاي هعيش انا ليل نهار من غير ما اشوفها امامي

دي كانت كل لحظة جنبي فرحتي اللي ساكنه قلبي

قادر تصبرني ياربي ماليش غيرك حد تاني